Ein dag i Nynorskens hus

Gjennom rom og tid gir denne interaktive vandreframsyninga publikum eigarskap til språkhistoria og nynorsk språk med forteljing, humor, leik og praktiske oppgåver.

Våre tre forteljarar tar elevane med på ei reise som gir elevane knaggar for å forstå kultur- og samfunnsutviklinga i Noreg frå istida og fram til i dag. Elevane får delta aktivt og dei blir utfordra til å utforske og reflektere over sitt eige språk. Framsyninga inspirerer til mot, vilje og å følje draumane sine, kjensler som var viktige for å danne det norske demokratiet.

Målet for besøket er å gi publikum:

- Kunnskap og eigarskap til nynorsk og kulturhistoria til Noreg

- Ei auka språkinteresse

- Reiskap til kreativt arbeid for å uttrykke seg sjølv.