Eit samarbeid mellom
Det Norske Teatret, Bondeungdomslaget i Oslo og Noregs Ungdomslag
"Og naustet skal stå stille i hundre år tell"
Kjøp boka via Vipps!
Du kan få ho tilsendt for eit tillegg på kr 73,
eller du kan hente ho etter avtale i Rosenkrantz gate 8, Oslo,
Den mangfaldige scenen.
Betal i Vipps og send e-post med kontaktinfo ved post-sending til post@mangfaldige.no
#584643
Erfaringar:
Foto: Brifkani Nishan
I teateret, og spesielt ved Den mangfaldige scenen, finnast ein eigen magi der vi kan spegle livet, prøve oss fram, leike og feile utan frykt. Eg elskar å skape trygge rom der kvar stemme blir høyrd, der stilla taler like sterkt som orda, og der fellesskapen løftar den enkelte fram.
For meg, er det å vere mentor og teaterinstruktør som å vakte ein flamme – ikkje min eigen, men den som ligg skjult i andre. Eg får vere vitne til korleis ein liten gnist av mot kan vakse til ein heil eld når menneske vågar å tre fram i sitt eige lys.
Teateret er ikkje berre kunst – det er liv som vågar å bli delt.
Shwan Wahed
Eg kom til DMS med ein bunke krøllete manus, mange uferdige og nesten urealistiske idear, og eit sterkt ønskje om å bli respektert som eg var, men også vekse trygt inn i mitt potensial som ein allsidig scenekunstnar.
Under ti år seinare har nokon av dei krøllete manusa blitt gjeven ut av Samlaget som deira fyrste boksingel "Alt godt som enno ventar", og som vi har, gjennom DMS og Den kulturelle skolesekken, fått reise Noreg rundt med, og nådd ut til over 7000 ungdommar.
Å sjå nokon av mine tidlegare urealistiske idear bli realisert til vakker, skjør, og verknadsfull scenekunst både på land, i ei blomstereng på vatn, i glashus med harpist, og til og med sunge på Sunnfjord-dialekt bak hesteryggen, er berre endå ein grunn til at vi er Den mangfaldige scenen.
Jeaninne Masika Harrysson
Foto: Isabell Solberg
Den mangfaldige scenen er ein stad der ein får vekse opp - eg har vore der i ti år. Med moglegheit for å starte som born og så som ungdom få vere instruktør, og til slutt profesjonell utøvar. Og kor viktig – i den flate strukturen – det har vore at DMS har tatt inn unge menneske som får definere teateret sjølve, i samarbeid med mentorar. Det skapar relevant og aktuell kunst for unge, av unge.
Camara Joof
Mi personlege erfaring fra DMS er å få opplevinga av å bli sett som ungdom, og få mulighet til å utvikle mitt eige nye upolerte uttrykk i trygge rammer. Å vere ein del av ei gruppe og samtidig vere ei eiga stemme. Å få jobbe med ulike instruktørar frå ulike felt.
Som instruktør får eg jobbe i eit miljø som har stort rom for å vere impulsiv, jobbe på tvers av sjangrar, vere søkande og open for forandring i arbeidet - noko som er veldig givande.
Sarah Camille
